Welsh Zone

أنا عايز أعرف مين الجزمة .. اللي عيننا (كبني آدمين يعني) نقيم أخلاق البشر من لبسهم ولا بيعملوا إيه !! مين اللي فهمنا إننا أحسن من حد وعادي نقول ده كذا ودي كذا. .. يعني فيه ناس لغاية دلوقتي في 2015 القرن 21 في الوقت اللي ناسا هيبعتوا ناس للمريخ بيبصوا للواحدة اللي سايبة شعرها أو بتلبس اللى هي عايزاه أو بتدخن أقل من اللي ما بتعملش كده؟؟!! .. وفي نفس ذات الوقت ونفس البني آدم لو واحدة ظهرت قدامه .. يطلع عفريت المصباح الحكاك اللي جواه عشان ياخد حتة ... ورسايل وتعليقات وتليفونات. يعني في القرن 21 واحد بني آدم بالغ .. جامعي .. قد الدنيا ... شايف ان اللي يلبس سلسلة ( شمال ) ذكاءه وعمره العقلي فهموه كده. إحنا مشكلتنا كبيرة قوي، متخصصين حشر المناخير، عايزين نعرف أي حاجة وكل حاجة، عملت إيه؟ بتعمل إيه؟ ليه؟ إتشغلت فين؟ بتاخد كام؟ بتكلم مين؟ رايح فين؟ مع مين؟ كده بقى، ولو ماردتش تبقى إنت وحش علشان ما أمتعتش مناخيره الطويلة بإنه يعرف تفاصيل حياتك، وممكن ما يكلمكش تاني علشان ما بتديلوش تقرير يومي عن عيشتك. والموضوع مش مقتصر على الستات بس دلوقتي، لا... لا... أبسلوتلي J   ده فيه رج...

أول يوم شغل بدأ قابلت باسم مديري اللى طلع مش رخم ولا قفيل  ولا حاجة وبقينا أصحاب لغاية دلوقتى من وقت ما شوفته فى 2008 إترقيت تاني يوم مدير المشروع سألنى كنت بتعمل إيه فى مصر ( يعني شاف شكلى غير اللى قابلهم قبل كده ) قولتله كنت بعمل كذا.. طبعا سأل السؤال المعتاد اللى إتسألته لمدة سنة ونص ( وإيه اللى خلاك تسيب مصر ؟) المهم خلاني Time Keeper يعنى أتابع مواعيد الحضور والإنصراف بتاعت الموقع كله اللي كان فيه أكتر من ألف عامل و300 موظف ومهندس حاجة تخض فى أول يوم بس ده خلاني إتعرفت أكتر بالناس وإحتكيت بثقافات عمرى ما كنت أتخيل إنى أقابلها  فى يوم من الأيام حتي بدأت أتعلم أوردو من أول يوم ( طبعا ما بتكلمش دلوقتي ولا حاجة ) بس كنت أعرف حاجات زي إسمك إيه ؟ هاتلي شاي .. كده يعني .. وبدأ التعامل مع المدير بتاعي المباشر باسم وأجن بني آدم فى الدنيا حسان الـ Camp Boss اللى كنت فى الأول بسترخمه جدااااااااااااااا .. بس طلع عيل جدع وفادني كتير وبقينا برضه أصحاب إتمرمطت قوي .. قوي جدا خالص، شوفت أيام أسود من الشغل فى مصر كنت بقوم الساعة 6  وألبس وأخرج وأرجع الساعة 2 وأنام وهكذا. ...

الخميس 10/07/2008 تقريبا من أصعب الأيام اللى عدت عليا لإنى ما كنتش عارف هاشوفهم إمتي ، زي أى مصري مرتبط بعيلته جدا موضوع إنى أسيبهم وأنا مش عارف هشوفهم تاني إمتي كان صعب، حتي لما روحت الجيش أمي ما إستحملتش وجات زارتني فى أول أجازة بعد 15 يوم بس. سيبت بنت أختي صغيرة  وأختي مستنية التاني، سيبت أحمد أخويا صغير، وسيبت نور بنتي صغيرة ما بتتكلمش لسه، مارضتش آخد أى حد معايا المطار إلا أبويا وأخويا عشان عارف ومتوقع الدوشة اللى كانت هتحصل لو كله جه.. وكان يمكن الموقف هيبقي أصعب كمان قبل ما أركب العربية طبعا روحت للعيال أصحابي  ودعت كل حاجة ( عشان عرفت إن هنا مفيش حاجات وده كان آخر Herbs ليا فى مصر :) ). وصلوني المطار ونطقتش كلمة من البيت للمطار خالص مابردش على حد وما بكلمش حد ... مش عارف أصلا، مشاعر مختلطة ما بين أنا صح ولا غلط، هعمل إيه لو حد حصله حاجة وأنا مش موجود؟ طيب لو ما نجحتش وباظت الحكاية.. هرجع ؟؟!! وشكلي يبقي خيبة كده ؟؟!! كنت متعقد من الموضوع ده بصراحة عشان كنت أعرف واحد سافر 3 سنين بره ورجع مصر كأنه ما سافرش بل يمكن أسوأ، وكنت بسمع تعليقات الناس عليه في وشه وفي ضهره...

دايما فيه ناس مهمتهم إنهم يشككوا فيك ويحبطوك، تقريبا ما بيعرفوش يعملوا أى حاجة تاني، حتي لما روحت الجيش كانت كل التوقعات أسبوع ( وأكُت ) أو أعمل مشكلة أو غياب. الحمد لله دخلت صاعقة (فدائي وكده) وخلصت والدنيا فُل وأيام كانت زي الفل:) أه والله .. أه والله .. أه والله :) ، يعنى تقدر تقول كده على طول فيه شكوك فى إنى أقدر أعمل أو أخلص حاجة والحمد لله بتخلص :) مش عارف ده لإن طريقة حياتي كانت بتدي الناس إنطباع إن دماغي فاضية ولا شكلي مش عاجبهم !! :) ( أنا برغي ولا حاجة ؟ ) وحتي لو برغي يعنى إنت وراك إيه ؟ أكيد هتفهم القصد من الحكايات دي . ولا أقولك .. بلاش .. مش هطول عليك .. اللى عايز أوصلهولك إن تقريبا كل حاجة أعرفها وبعملها دلوقتى أنا اللى علمتها لنفسي لإني قابلت ناس ممكن يموتوا وما ينفعوكش، تقول للواحد من دول ( هى دي بتتعمل إزاي؟ ) تحس إنك بتسأل "كونفيشيوس" وفى الآخر ياريت بيرد عليك أويفيدك لا ده ما بيحصلش، فقررت ما اسألش حد وإنى أعمل كل حاجة بنفسي، مش معنى كده إنى كنت جهبز يعنى، لا لا أبسلوتلي.. طبقا لملفات المدرسة أنا الطالب الوحيد فى تاريخ المدرسة اللى جاب ملح...

Funny Laws In the United States Here are some well known places in the US, which, apart from their attractions, are also known for their strange laws Funny Laws In Alaska Starting off with the funny laws in Alaska, here, it is illegal... For moose to indulge in mating behavior on city streets. To wake up a bear and get some snaps of it. You can hunt it though. To whisper in a person's ear if he is moose hunting! For a kangaroo to pay a visit to a barber shop at any time. To tie one's pet dog to the his/her car's roof. To treat a moose with alcohol. To roam the city while carrying bows and arrows. For a drunk to be allowed to comb his hair in a bar. For dog owners to groom their pets. To throw grenades on the street! To put your dog in the back of your truck. Funny Laws In California Next in the list are some funny laws which prevail in California. Here it is illegal... For any kind of animal to do "it" within a range of 1,500 fee...

How did we survive growing up in the 80's and 90's? We had no seat-belts, no airbags.. Cycling was like a breath of fresh air… No safety helmets, knee pads or elbow pads, with plenty of cardboard between spokes to make it sound like a motorbike… When thirsty we only drank tap water, bottled water was still a mystery… We kept busy collecting bits & pieces so we could build all sort of things … and we were fearless on our bicycles even when the brakes failed going downhill… We were showing off how tough we are, by how high we could climb trees & then jumping down….It was great fun…. We could stay out to play for hours, as long as we got back before dark, in time for dinner… We walked to school, or sometimes we even rode our bicycle. We had no mobile phones, but we always managed to find each other…. How? We lost teeth, broke arms & legs, we got cuts and bruises and bloody noses…. nobody complained as we had so much fun, it wa...

صباح الخير .. بعد ما إتكلمت ( هنا ) عن إستبدال التليفزيون العادي .. بمواد مختارة تشتغل على "لابتوب" وتتعرض على شاشة التليفزيون علشان نحمي ولادنا من الأفلام العربي اللي زي أفلام السبكي وأمثاله أو من الأفلام الأجنبي اللي ممكن يسمعوا/يشوفوا حاجات مش وقتها في السن الصغير. ناس كتير تفاعلوا وبعتبولي بيقولولي لو عندك نصايح تفيد في التربية :D - أولا مش متخصص .. يعني اللي بقوله مش عارف علمي ولا لأ ولا صحيح ولا لأ ولا أنا بتاع "تنمية بشرية" (الحمد لله) :D - ثانيا  أنا أب "مبتدئ" :D عندي بنتين واحدة 8 سنين والتانية تقريبا 8 شهور معنديش الخبرة الكافية إني أقدم نصايح بقلب جامد بس ممكن أقول اللي أنا شخصيا هعمله مع ولادي .. واللي هحاول بقدر الإمكان أحققه .. واللي معرفش إذا كان صح أو غلط .. بس أكيد أنا شايفه أحسن كتير لولادي من الأساليب اللي ناس كتير بيتبعوها في تربية أولادهم .. شوفتها مع أصحابي .. أو ناس أعرفهم أو حتي أنا شخصيا، اللي هكتبه مالوش دعوة بالدين علشان محدش يقوللي الأحسن نحفظهم ونعلمهم كذا .. أو لا دي مذكورة :) ولا بعادات علشان برضه محدش يقولي...

كتير قوي قريت بوستات لناس بيشتكوا إن ولادهم بيتكلموا كلام شبه الأفلام "الهابطة" المصرية اللي مليانة إيحاءات وقرف ما يناسبش ولادنا ... الموضوع بسيط جدااااا ... إنت إتحكم في اللي يشوفوه .. وفرجهم ع المفيد اللي ينمي عقولهم ويفيدهم !! المطلوب : 1- عدد واحد لابتوب صغير فيه وصلة HD  2- شوية أفلام كارتون ( ترفيهي علي تعليمي ) .. وأفلام ناشيونال جيوجرافيك وشوية فيديوهات تعليم لغات وعلوم ( بطريقة تناسب عمرهم ) وكل ده موجود أونلاين. 3- إعمل Playlist يومية تشتغل في الأوقات اللي هما بيتفرجوا فيها. 4-وصل اللابتوب ع التليفزيون 5- طبعا متعرفهمش إن ده كمبيوتر ومتوصل .. علشان ما ياكلوش دماغك .. لغاية ما يتعودوا. 6- تابع إنت معاهم وإتفرج زيهم وشاركهم وإسألهم. ييعني تخيل إبنك ولا بنتك بعد ما يتفرجوا علي مثلا The Theory of Everything Movieوبعد ما يتفرجوا علي "قلب الأسد"  فرق كبير هتحس بفرق كبير قوي في شخصيتهم وكلامهم ومعارفهم ومحدش فيهم هيسألك "يعني إيه سافوريا يابابا؟" #العلم_في_الراس_مش_في_الكراس #أطفال_اليوم_محمد_رمضان_المستقبل التالي بقى .....

أه ... اللي بيحصل وبيحصلي واللي بيحصلنا كلنا، مننا في الآخر وبسببنا. لو كويس فعلشان إحنا كويسين، ولو وحش برضه علشان إحنا وحشين، الموضوع سهل والمعادلة بسيطة قوي، لو أنا وإنت وغيرنا بنرمي زبالة في الشارع وبنكسر إشارة المرور و بندفع رشوة وبناخد رشوة وبنغش في بيعنا ماهو إحنا المجتمع، لو غشيت بغش واحد من المجتمع بتاعي وعلمته الغش، ولما أدفع رشوة لواحد يبقى أنا كمان هاخد رشوة. ولو العكس تماما، ملتزمين بالنظام والقوانين وأمناء ومنظمين، برضه اللي حوالينا هيبقوا كده ما هما مننا فينا، هي دايرة بتدور وده بيعلم ده، قوة الفرد لا يستهان بها، الفرد الواحد قادر يغير كتير لو عرف إزاي يوصل تغييره للناس، وبدل ما يبقى واحد يبقوا إتنين وتلاتة و10. حاجة كده شبه الأواني المستطرقة، كلهم فيهم نفس الساءل مهما إختلفت أشكالهم علشان كلهم أخدوا من أول إناء وملاهم كلهم بالسائل اللي كان فيه، لو كان فيه علم هيتملوا علم ولو فيه جهل هيتملوا جهل. ماتقولش أنا مالي أو أنا مقدرش لوحدي أو يعني هي جات عليا ؟!! أه جات عليك/ـي .. جات على واحد واحد، الدنيا دي كلها بدأت بواحد، غير نفسك، غير صحابك، غير بيتك، كل...