لا تخرج قبل أن تقول "سبحان الله" ... :D #شير_لا_إرادي

إحنا بالصلاة ع النبي أجدع ناس تشير أي حاجة في أي حاجة إلا الحاجة الصح :D #شير_لاإرادي ... بنحب الحاجات اللي تخلي الغرب شكله وحش وكافر وملعون :D وبنتجاهل أي علم وبحث  .. وبنبعد عنه .. مبنحاولش ندور على أصل الموضوع قبل ما ننشره .. ونصب اللعنات .. ونتخض .. ويبقى الإتجاه إستغفار كتير الفترة الجاية :) ... 

.

إنتشر بوست مع فيديو  الفترة اللي فاتت ومتشير بطريقة جنونية .. مع كمية لعنات وأدعية و "ولا حول ولا قوة إلا بالله" تاريخية :D أنا كنت ساكت وأقول هري وهيخلص  مستحيل حد يصدق الموجود في البوست العبيط ده .. لغاية ما لقيت الموضوع طال ناس عندي :D ولقيته مشيرينه ومصدقين اللي فيه ... ( زي موضوع شريحة التجسس في البطارية كده 󾌴) فدورت طبعا على أصل الحكاية.... علشان اكتب بوست محدش يعلق عليه ويقولي أثبت 󾌵

.

اول حاجة ده نص البوست :

--------------------------------------------

"لعبه جديده للآطفال وهي الكائن الجيني اسمه “ جنبتس” ينتمي إلى فصيلة الثدييات ويحمل صفات طفل صغير، ويباع للأطفال بالمحلات، والأخطر من ذلك أنّ به قلب حقيقي ينبض، وعروق ودم، ويموت تماماً مثل أيّ كائن حي. الكائن الغريب مصنّع من حمض نووي مخلط لجينات بشريّة وحيوانيّة، مع إضافة إليه مادة مطاطيّة مستخرجة من قناديل البحار، مثل التي تستخدم في صنع المواد التي تلصق الفئران والحشرات، كما يوجد دمية تعيش لمدة عام وأخرى تعيش لثلاثة أعوام”.

وتابع: “العبوة البلاستيكية الموجودة أعلى الكائن الغريب تعمل مثل عمل “الحضانة” التي يتمّ حفظ الأطفال فيها وذلك أثناء نوم الدمية، كما بداخل “الجنبتس” جهاز لمراقبة وظيفة عمل القلب، بالإضافة إلى أنه يتألم ويبكي ويتحرك”.

وتقول الشركة الكندية المنتجة إنّ الأطفال أصبحوا يشعرون بالملل تجاه الألعاب البلاستيكيّة أو الإلكترونيّة الأخرى، والتي تطلب إلى الصيانة والروتين في الأداء، ولكنّنا طوّرنا هذه الصناعة على نحو أفضل لتكون مثل الحيوانات الأليفة التي يفضّلها الأطفال، لتتماشى مع التكنولوجيا التي نستخدمها في حياتنا الصاخبة.

وكشف الأيوبي عن أنّ “في هذا المنتج الغريب أنبوب تغذية يتمّ إلحاق المواد الغذائيّة المحتوية على البروتينات به من أجل استمرار حياة “جنبتس” وإبقائها سليمة ونائمة.

وأصدرت الحكومة القطريّة والسعوديه فتوى تحرّم بيع وتداول هذه اللعبة، كما أرسل مدير إدارة الشؤون الإسلاميّة إلى رئيس الهيئة العامة للجمارك والمواني يحذّره من المنتج، ويمنع دخوله إلى البلاد تماماً.

وختم الأيوبي: “جنبتس” مثل الجنين البشري تماماً، ينمو وبه قلب ينبض وصغير الحجم، وهو الأمر المحرّم دينياً نظراً لأنّه مستنسخ من كائن بشري، ونودّ القول في النهاية أنّ هذه الشركات مهما بلغت من تطوّر علمي في مجال الهندسة الوراثيّة والجينات، فمن المستحيل أن يقوموا بخلق الروح”. فتباً لهم ولتجبّرهم في محاوله خلق انسآن بشري حسبي الله ونعم والوكيل ،، يجب الحذر من هالنوعيه من الآلعاب"

وده لينك فيديو مع البوست

https://www.facebook.com/nada.marzok.33/videos/577288442410392/?pnref=story

.

.------------------------------------------

:D :D حاجة مسخرة يعني ... كمية جهل فوق الجهل مكتوبة .. متدخلش عقل أي بني آدم عايش على وجه الأرض .. البوست مليان مغالطات وكأنه مش بتاع الفيديو المنشور ... 

المهم :

أولا اللي في الفيديو جايب "عروسة" لعبة شبه طفل حديث الولادة وبيقول أن ده الكائن الشيطاني :D 

ده لعبة هبلة ... شكلها حقيقي متصنعة من مواد كلنا لعبنا بيها زمان زي العنكبوت اللي كان بيتباع في وسط البلد ترميه ع الازاز يبان كأنه بيمشي :D 

وجه لينك على جوجل فيه ألعاب .. شكلها حقيقي أكتر من الموجود في الفيديو

https://goo.gl/6LK59n

.

ثانيا بيقول في البوست ان العلبة البلاستيك دي كأنها حضانه علشان الكائن الشرير يعيش فيها لغاية ما يتباع..

والنبي يا شيخ العلبة الجربانة اللي في الفيديو شكلها تجيب على حضانة بأي شكل ؟؟؟!!! طيب ورق الجرايد اللي اللعبة ملقوفة فيه ده إيه لامؤاخذة ؟؟؟!

بلاش ... طيب لما بيخرج م الحضانة ما بيموتش ؟!!! -_- لا ياراجل ؟ :D 

لو الحضانة اللي مخلياه عايش .. يبقى لوخرج منها يموت :) أو يبقى فيه بقى سبيشيال كير .. وأكسجين وأجهزة تراقب يعني بتشتري لعبة وتفتح مستشفى .. والنبي إنت مصدق ؟؟؟!!

المهم بقى بعد كل الهري ده ... اللعبة اللي في الفيديو مش هي المقصودة بالكلام اصلا 󾌴󾌴 .. مش هي دي "#جنبتس" أو "Genpets" .... 

لكن اللي في الصورة تحت دي هي "جنبتس" الحقيقية :)

الله يعني الموضوع حقيقة بقى ؟!!! 

أقولك لأ يا برنس الاكتشافات العلمية .. 

القصة كلها أن فنان كندي اسمه آدم براندجيس ... عمل لعبة ... شكلها كأنها كائن غريب زي اللي في الصورة ده .. علشان يوري الناس الاستنساخ و "البيوإنجنيرنج"  ممكن تعمل إيه في حياتنا .. بس .. وفيها شوية دواير وأسلاك بتحاكي أصوات القلب والتنفس ... لكن لا هي حية ولا بتاع .. ولا فيها قلب ولا دم ولا بتموت ولا بتهري ولا بتشير 󾌴󾌴

. 

- ده لينك من ويكيبيديا بالعربي:

https://goo.gl/9THZL4

- ده لينك ويكيبيديا إنجليزي:

https://en.wikipedia.org/wiki/Genpet

- ده لينك مقال بيتكلم عن الموضوع أكتر بالإنجليزي

http://occupytheory.org/genpets-hoax-debunked/

آخر حاجة ... قبل ما تعمل الـ Researches بتاعتك وتجيبلي موقع الشركة بتاعت اللعبة ... أنا جبتلك الموقع .. بس لينك About اللي أى شركة بتحطه في موقعها علشان تعرف عملائها بنفسها 

إقراه .. وشوف بنفسك فلسفة الشركة والموقع ده معمول ليه وليه اللعبة إتعملت أصلا :)

http://www.genpets.com/about.php

#فكر_ابحث_قبل_ماتشير

أنا عارف إن البوست ده مش هيتشير (ربع) الشير اللي حصل مع البوست الكداب التاني .. بس أنا بعمل اللي عليا .. لو عايز #شير وعرف غيرك واعمل منشن لصاحبك اللي مصدقه :)

الموضوع الأصلي:

https://www.facebook.com/WTahaM/posts/1635255626756935

smile emoticon