Welsh Zone

طبعا التجارب ( العاطشفية ) كانت كتير (مش كلها عاطشفية) مش كازانوفا يعني .. بس كان حظي فى رجليا ، ما بين دراسة لشغل لـ  Clubs من الحاجات اللى شكلت شخصيتي وخليتني أفهم ( شوية ) الستات بيفكروا إزاي ، ومع كل ده والماضي المليان ( حركات ) إتجوزت أول مرة فى ( الصالون ) يعنى ( متدبرة )  وطبعا كانت نهاية مش سعيدة خالص . يمكن نهاية مش سعيدة عشان أنا مش مقتنع بموضوع الصالون ده ؟ يمكن أنا نفسي ما أنفعش ، يمكن عشان العلاقات عاملة زي البازل لو الإتنين ما ركبوش على بعض لازم واحد فيهم أو الإتنين بيتكسروا ، بس من زمان ولغاية دلوقتى أنا مش مؤمن ولا مقتنع بالجواز التقليدي اللى هو بالصور واللي يروح البيت يتفرج عليها ، عجبته يوافق ولو ماعجبتوش برضه يوافق عشان عيب ( إحنا دخلنا بيتهم يابني ) ولو كمل عشان يثبت أهله وحب ينهي الموضوع فى الخطوبة يتقاله ( عيب إنت بقالك سنة داخل خارج عليهم ، الناس يقولوا إيه ؟؟!! ) ولو إتجوز والموضوع ما نفعش برضه يبقى ( حرام عليك تاخدها وترميها ) ولو خلف والموضوع باظ يبقي ( حرام عليك ولاك يتبهدلوا ) يعنى الموضوع كله – حياة تحت التهديد – . إنت وهي ما لكوش أى لزمة فيها (

ومابين ولد صغير فى المحل بيعمل أى هبل ( شغال واجب يعنى عشان ابوه ) لمساعد بياع ، لبياع قد الدنيا كبرت فى وسط البلد وشوفت كتير قوي ، شوفت مصر من جوة. شوفت الناس اللى بيشتغلوا 18 ساعة وأكتر عشان بيوتهم وشوفت البنات اللى بيخلصوا شغل الساعة 1 بالليل وتروح منطقتها الجميلة الساعة 2 وشوفت أصحاب المحلات اللى بيستغلوا حاجة الناس عشان يدوسوا عليهم، شوفت الناس اللى مبادئهم عيرة، واللى صوتهم عيرة، شوفت اللى بيصلي وراه ناس ويخلص صلاة عشان يطلع يعمل ( جرد فى المخزن ) مع البنات، واللى أصلا مالوش أصل وبيشتري أصل عشان يحس إنه بني آدم، أنا قعدت لغاية ما كنت مدير لأكتر من محل ، قعدت سنين يعنى وشوفت كتير قوي،  !!!! صاحب المحل يحكم ع البنت تقعد للساعة 3 بالليل عشان تساعد فى ( رص الفاترينة ) عافية كده واللى مش عاجبها ما تجيش تاني، عاجبك ولا مش عاجبك ؟ هي دي الطريقة ده غير الألفاظ اللى مجبرة تسمعها وغير الإستهبال  If You know what  mean . فيلم عمارة يعقوبيان ما كدبش وما جابش من برة اللى حصل فيه بيحصل كل يوم فى وسط البلد. الفترة بتاعت مصر اللى بتكلم علها دي من 1986 – 2008 الفترة اللى عيشتها هناك

قالك إكتب حاجة إنت أسلوبك كويس   .. قروا الكلمتين اللى كتبتهم بوصف بيهم اللى حسيت بيه لما نزلت مصر بع 5 سنين إفتكروني بعرف أكتب، الموضوع ببساطة إنى كنت كاتب مشاعر صادقة جدا لإن أهلى فعلا كانوا واحشني . فخلينا متفقين على حاجة ، محدش قالك إدخل إقرا ، إنت اللى إتسحبت وروحت دوست على اللينك ترجع بقى تقول ده أى كلام أنا حذرتك ، أنا صلا مش عارف هكتب عن إيه فهسيب إيدي تكتب اللى ييجي على بالى ما بين حاجات حصلت قبل ما أسافر وبين سفري واول ما وصلت ، ومشوار الـ5 سنين الطويل هنا . حصلت حاجات كتير قوي مش عارف هفتكرها كلها ولا لأ الذاكرة على قدها ده غير إن مفيش موهبة كتابة أصلا فتخيل الوضع العظيم اللى أنا فيه  J  أقولك فيه فوق ( X ) دوس عليها وأخرج  ويا دار ما دخلك شر .. وقشطة قوي السطرين اللى قريتهم . طبعا فيه حاجات خاصة قوي مش هينفع أكتبها وحاجات ممكن ماتعجبش ( المودام ) وأنام ع الكنبة بسببها ، مكن نبقي نشيش مع بعض وأحكيهالك فى أي وقت . لو عينيك جابوك ع السطر ده يبقى قررت/ى تكمل   تعالالي بقي . طول عمري عيل رخم بتاع خناق ومشاكل ثورجي كده من صغري ومش عاجبني حد ولا حاجة ، كان عن

مش عارف إيه اللى حصلنا! بقينا متخصصين تواكل وتعليق فشل وكسل على شماعات غيرنا، ونبرر فشلنا بفشل حكومة أو مكان عايشين فيه. بقينا بندور على تبريرات لنفسنا قبل الناس علشان ما نطلعش غلطانين، مع إنك لو قعدت شوية مع نفسك هتلاقي إنك غلطان في كتير ومحتاج تغير أكتر. بقينا مستسلمين بطريقة مستفزة، وتفرغنا إما للمعارضة للمعارضة أو التأييد المطلق بلا حدود. بقت حياتنا عبارة إننا نشتم بعض ونهاجم بعض، وندعي الوطنية والإنتماء وإحنا أبعد ما نكون عنها. كل واحد فينا شايف نفسه الأصح، ومقتنع بده ومعندوش إستعداد يغيره. المهم إن كل الحاجات دي خلقت جوانا حاجة مشوهه مالهاش إسم، عايشة على أطلال الماضي وشعارات. عايشة على ما أشتغلش غير بشهادتي. عايشة على .. لا لا عيب أشتغل الشغلانة دي. عايشة على .. الحكومة المفروض تعمل. عايشة على .. مفيش وقت .. مشغول .. مفيش فلوس أعمل. عايشة على إننا نعلق فشلنا على فشل الغير .. ونلوم أى حد غير نفسنا. ناس بتسميه جلد ذات ولا سلخ ذات، كأنه عيب أو كأن إنك تلوم نفسك إنك ما بتتحركش، وتحاسب نفسك ع التكاسل والتواكل بقى عيب. مع إن دي الطريقة

تقدم روايات وأفلام الخيال العلمي صورة مبهرة عن التكنولوجيا في المستقبل، قد لا تقبلها العقول، أو على الأقل تشكك في احتمال تحققها، على رغم التقدم العلمي الهائل الذي سجل خلال المئة عام الأخيرة، وتسارع وتيرة الاكتشاف والاختراع والبحث. لكن لو فكرنا قليلاً وتخيلنا أنفسنا نتحدث قبل 300 عام عن "صندوق" يصدر أصواتاً ويعرض الصور (الراديو والتلفزيون)، أو عن جسم يطير بجناحين وينقل أناساً من بلد إلى آخر، لكنا سنوصم حتماً بالجنون، او بأحلام اليقظة في أقل تقدير. ولنا أن نتخيّل تعليقات القراء وردود فعلهم عند صدور رواية جول فيرن "من الأرض إلى القمر" العام 1865، فهل كان هؤلاء يتوقّعون أن تتحقق الرواية بعد مئة عام، عندما حطّت المركبة الأميركية "أبولو "11 على سطح الكويكب؟ حتى أن تحديد فيرن سرعة ومدة الرحلة التي استغرقتها رحلة مركبته الخيالية، وهما 40 ألف كيلومتر في الساعة وأربعة أيام، تطابق مع ما حصل لاحقاً عندما انطلقت "أبولو" إلى القمر بسرعة 38 ألف كيلومتر في الساعة في رحلة استمرت أربعة أيام وبضع ساعات. كذلك تحدّث فيرن في كتابه "عشرون أ

١- إنستاجرام Instagram إنستغرام "Instagram" هو تطبيق مجاني لتبادل الصور وشبكة اجتماعية تتيح لمستخدميها مشاركة صورهم المعدلة على التطبيق -من طريق فلاتر رقمية مدمجة- على شبكات التواصل الاجتماعي وشبكة التطبيق نفسها. يمكنك تحميل التطبيق لجهاز آيفون من هنا ( تحميل التطبيق ) ٢- سكايب "Skype" سكايب هو برنامج إتصال فيديو مجاني عبر الإنترنت لمن يملكون البرنامج، لكن بتكلفة بسيطة يمكنك من الإتصال بالهواتف الثابتة والجوالة، ويعمل التطبيق على أجهزة آيفون وآيباد. يمكنك تحميل التطبيق لجهاز آيفون من هنا ( تحميل التطبيق ) ٣- شازام "Shazam" هل تساءلت يوماً عن اسم الأغنية التي تسمعها أو اسم المغني الذي يقوم بالغناء؟ هذا التطبيق سيقوم بالتعرف على هذه المعلومات وتقديمها لك بشكل بسيط وسريع. كل ماعليك فعله هو الدخول إلى التطبيق، والضغط على زر استماع، ليبدأ التطبيق بالاستماع إلى الأغنية والتعرف عليها ومن ثم عرض بالنتيجة. يمكنك تحميل التطبيق لجهاز آيفون من هنا ( تحميل التطبيق ) ٤- فليب بورد "flipboard" هو عبارة

فعلا الفتي كتير قوي ... كله بيفتي ... وبالذات الإخوة المعارضين للمعارضة والمعترضين عشان يبانوا فاهمين ... فأنا قررت أفتي أنا كمان ... إشمعنى أنا ؟! O.o أنا كمواطن مصري ... من حقي أبقي محلل إستراتيجي وخبير إقتصادي ... ده حق بنكتسبه كمصريين لما بنتولد. زي واحد النهاردة كاتب مقال طويل عريض ... متضايق قوي .. إن محدش قاله وإستأذته قبل ما يعلنوا عن مشروع العاصمة الجديدة. هو طبعا صح ... والمفروض كان يبقى فيه تصويت ويتعرض الموضوع على مجلس الشعب .. بس هو فين مجلس الشعب ؟!! وبعدين هل هو غلط ؟ يعني المشروع غلط ؟! هو شايف إن الموضوع غلط وإننا المفروض نحل مشاكل العاصمة القديمة بدل ما نعمل عاصمة جديدة. وطبعا كل اللي بيعترض قافش في دي قوي .. مع إن (دحضها) سهل جدا. عدد سكان القاهرة 9102232 حسب تعداد ٢٠١٤، لما يتنقل منهم ٥ مليون لمنطقة جديدة تماما، ونقل الوزارات والهيئات لهناك. تخيل ده لوحده هيخف ضغط قد إيه ع الـ Grids إذا كانت بقى كهربا ... مياه ... طرق ... تليفونات ... مواصلات عامة وغيرها .... أكتر من النص تقريبا... ده هيقلل الأعطال وشبكة الكهربا تاخد نفسها وهيبق

من كام يوم لقيت المغني بتاع كايروكي (حاجة عيد) مش فاكر ناشر لينك من بلوج مكتوب عليه "إوعي تتجوزي مصري"، المهم قولت ... حتى لو اللي كاتبه يقصد العنوان أكيد هيبقى كوميدي ... وأهو نشوف رأي اللي كاتب. دخلت ... لقيت بتاعة كده من تقريبا ١٥ سطر .. مالهاش أي تلاتين لزمة ... حد  "فيمنست" معقد وفاضي  تجربته الشخصية حارقاه وكاتبها. أنا قولت ده رأي ... وأنا أصلا مواضيع مين يتجوز منين عمرها ما في دماغي ... يعني مش من بتوع ... بنت بلدي أولى والبنت أولى بإبن بلدها والهري التعبان ده.. والمقال عمره ما كان هيفرق معايا لو كان عادل مش مبني على تجربة شخصية .. خلفت وراها بني آدم مريض ... بيحاول يدي لكل واحد عقدة م اللي عنده. المهم ... دخلت أشوف باقي الكتابات العبقرية ... لقيت مقال إسمه "إوعى تتجوز مصرية" ... قولت حلو جدا كده أحبك وأحترمك يا كاتب المقال الأولاني ... وإنت مش "فيمنست" متطرف ولاحاجة ... دخلت ... لقيت بقى "معلقة" بتمدح في الستات المصريات ... وإن الرجالة المصريين موقفين أحلامهم .. وإننا كائنات فضائية جاية غزو على كوكب "أ